I schnappe mir der Liegestuhl
Leg mi id Sunne u tue ganz fuul
Lise irgend e süesse Schund-Roman
Am beschte ober-seicht u ganz profan
Schliesslich hani e Wuche für siebe müesse schufte
De muess jetz o niemmer rüssle weni verdufte
Nume no entspanne, kei Bewegig z viel
Höchstens no grad eini fürnes Eis am Stiel
Jetz bi i dra, kene wird mi hie online verwütsche
Alli chöi mer getroscht füre Momänt der Buggel abrütsche
Was bewirkt ächt aber sone Art vo Rueh?
Im Gägesatz zu däm woni tatsächlich no öppis tue?
Wird die Entspannig nachhaltig si
Oder isch es nachem Liegestuehl mit dere Rueh
de oscho wieder verbii?
Bildi aktiv e inneri Entspannig mit Gedanke
Denn chunnt mini Rueh o derna nid
So schnäll wieder ids Schwanke
Hocki mi häre u betrachte zum Bischpiel igehend mal e Pflanze
Denn chöme mini siebe Sinne so richtig ids Tanze
Wärde ume läbig, früsch u hällwach
De hout mer dä Stress vor Wuche
O nümm so schnäll eine uf ds Dach
Langsam, ruhig u voll wird o der Schnuuf
De mani ds nächscht mal sogar wieder besser d Stäge ds düruf
E nachhaltigi Rueh entsteit ire sinnvolle Aktivität
U die, die wirkt fasch wiene wüchigi Getreidediät
Erquickt Läbesgeister nid nume vo mir, sondern strahlt o us
Git sälbscht anderne wieder meh Muet u Pfuus
Will ire wache Liechtigkeit fründlich lachsch
Usem fahle Gsicht mit Falte wieder e Strahlebacke machsch
🙂
inspired by yoga teacher training in Naone, Italy
